*Për një Shqipëri plot me të rinjë

Projekti me titull “Për një Shqipëri plot me të rinjë” financuar nga World Vision Shqipëri e Kosovë dhe South East European Youth Network (SEEYN), me një kohëzgjatje nga korrik 2020 deri në prill 2021, synon të promovojë të drejtën e edukimit si një e mirë thelbësore për fuqizimin e të rinjve dhe zhvillimin e komunitetit të zonës të Grabianit Lushnjë. Si objektiv specifik do synojë të nxitet një model komunitar mbështetës për të rinjtë e zonës periferike të Lushnjës, nëpërmjet këtij projekti do të nxisim fuqizimin e shkollës, ndërgjegjësimin e familjeve dhe nxitjen e mbështetjes institucionale vendore për të rinjtë e shënjestruar.

Përgjatë 10 muajve të zbatimit të projektit ne synojmë të arrijmë rezultatet e mëposhtme:

1. Aktivitetet gjithëpërfshirëse brenda shkollës “Grabian”

· Trajnimi dhe mentorimi për stafin pedagogjik të shkollave të përfshira në projekt;

· Shkëmbim eksperience midis dy shkollave, shkolla e mesme e bashkuar “Grabian” dhe e mesme “Jani Nushi” (si një shkollë me eksperiencë në aktivitete gjithëpërfshirëse);

· Pajisja e shkollës me mjete didaktike, sportive, informatike dhe artistike të posaçme në funksion të rritjes së performancës dhe kreativitetit në procesin mësimor;

· Angazhimi i 124 të rinjve në aktivitete pas shkollore, sportive, artistike dhe kulturore, ekskursione .

2. Krijimi i një grupi i Advokues me të rinj që do të jenë në gjendje të ngrenë zërin për të drejtat e tyre

3. Krijimi i një qasje solidare për të rinjtë dhe komunitetin e fshatit Grabian.

4. Nxitja e një bashkëpunimi ndër institucional në zonën e ndërhyrjes.

5. Rritja e informimit të prindërve mbi rëndësinë që ka familja për rritjen dhe mirëqenien e fëmijëve.

Numri i përfituesve direkt:

1.474 (fëmijë, të rinj, mësues dhe prindër)
Donatorë privatë:

720 (individë, shkolla dhe biznese)
Partnerët vendorë:

35 subjekte edukative të shpërndara në gjithë territorin e vendit